Twee aardbewings ruk Japan op een dag
2011-11-24 17:11
Tokio – Twee sterk aardbewings het die noorde van Japan geskud, maar geen skade is onmiddellik aangemeld nie.
Japan se meteorologiese agentskap sê die tweede skudding wat 6.1 gemeet het, het Donderdagaand die suide van die hoofeiland, Hokkaido, getref.
Die agentskap het nie ‘n tsoenami-waarskuwing uitgereik nie.
Die aardbewing het sowat 30 km onder die see-bodem en omtrent 750 km noordoos van die Japanse hoofstad, Tokio, ontstaan.
Die skudding kon nie in Tokio gevoel word nie, maar die vorige aardbewing is daar gevoel.
Die oggend se skudding het 6.0 gemeet en naby die kus plaasgevind. Dié aardbewing het ook naby die beskadigde Fukushima-kernaanleg ontstaan.
Duisende aardbewings het Japan sedert die massiewe aardbewing en tsoenami in Maart getref. Sowat 20 000 het in die dubbele ramp gesterf.
Volg Nuus24 op Twitter
- AP