Turkye staak soektog na oorlewendes by hotel

2011-11-13 17:58

Ankara – Die staat se nuusagentskap in Turkye het gesê owerhede het pogings gestaak om enigiemand lewendig te vind in die puin van ‘n hotel wat in die ooste van die land in ‘n aardbewing verwoes is.

Die Anatolia-nuusagentskap het gesê soek- en reddingsoperasies by die Bayram-hotel het Sondag tot ‘n einde gekom.

Die gebou was een van twee hotelle wat ineengestort het in ‘n aardbewing van 5.7 op die Richterskaal, wat die stad Van Woensdag getref het. Soektogte by die ander hotel is reeds twee dae gelede gestaak.

Turkye se rampbestuur-agentskap sê die sterftesyfer in dié aardbewing is minstens 39.

Die slagoffers sluit joernaliste en verligtingwerkers in wat hier gewerk het ná ‘n sterker aardbewing in dieselfde gebied verlede maand.

- Volg Nuus24 op Twitter
 

- Sapa - AP