Turkye: 13 gevangenes sterf in brand by tronk

2012-06-17 08:02

Ankara, Turkye – 'n Brand wat ontstaan het toe gevangenes in 'n tronk in Turkye beddens en komberse aan die brand gesteek het, het uiteindelik die lewe van 13 gevangenes geëis, het Recep Tayyip Erdogan, die land se presmier, Sondag gesê.

Erdogan het gesê die brand het uitgebreek in 'n vleuel van die tronk wat 18 gevangenes gehuisves het. Hy het gesê party van die gevangenes in die tronk in die stad Sanliurfa het hulle beddegoed aan die brand gesteek ná 'n bakleiery laat Saterdag.

Dis nie duidelik of die gevangenes doodgebrand het, of aan rookinaseming beswyk het nie.

Vyf gevangenes wat die brand oorleef het is behandel vir rookinaseming.

Owerhede ondersoek die voorval, en kyk ook na bewerings dat die brandweer en ander nooddienste traag was om op die brand te reageer.

– Volg Nuus24 op Twitter.

- Sapa - AFP