Turkse weermag skiet terug

2012-10-06 11:02

Ankara – Die Turkse weermag het vroeg Saterdag teruggeskiet ná 'n mortier vanuit Sirië in die grensprovinsie Hatay geval het, het die Anatolia-nuusagentskap berig.

Geen sterftes is gerapporteer nie, het die agentskap berig.

Saterdag se insident het plaasgevind in die klein Turkse dorpie Guvecci, naby die grens met Sirië, toe 'n mortier in dié landelike gebied geval het. Dit was afkomstig van 'n Siriese streek waar gevegte tussen rebelle en die Siriese weermag plaasgevind het, het Anatolia gesê.

Dié voorval volg ná Siriese mortiere vyf mense van Turkye gedood het in die grensdorpie Akcakale. Turkye het ná dié voorval ook teruggeskiet.

– Volg Nuus24 op Twitter.

- SAPA