Tunisiese opposisieleier doodgeskiet

2013-02-06 13:55

Tunis – Chokri Belaid, die leier van die opposisie in Tunisië, is Woensdagoggend doodgeskiet toe hy sy huis in Tunis verlaat het, het sy familie gesê.

Sy familie het die regerende Ennahda-party van die moord beskuldig.

Belaid was die hoof van die Democratic Patriots-party en is ‘n groot teenstander van die land se Islamitiese regering.

“My broer is vermoor. Ek is desperaat en depressief,” het Abdelmajid Belaid, Chokri se broer, aan AFP gesê.

“Ek beskuldig Rached Ghannouchi (leier van Ennahda) daarvan dat hy my broer vermoor het.”

Die slagoffer se vrou het glo aan Radio Mosaique gesê dat hy twee keer geskiet is toe hy sy huis verlaat het.

– Volg Nuus24 op Twitter 
 

- Sapa - AFP