Tsunami dodetal styg
2010-10-31 06:33
Jakarta - Die dodetal in Indonesië, wat verlede week deur ‘n tsunami getref is, het tot 435 gestyg, met nog 110 mense wat vermis word.
Reddingswerkers se pogings om verafgeleë dorpies langs die kus te bereik, is bemoeilik deur golwe van omtrent 3 meter.
‘n Groep van 135 oorlewendes is gevind waar hulle in ‘n hoërliggende area geskuil het, te bang om terug te keer na hul dorp uit vrees vir nog ‘n tsunami.
“So ver, is 435 mense dood weens die tsunami.
“Daar word nog 110 mense vermis, maar hulle het ook heel waarskynlik tydens die tsunami gesterf,” het Joskamatir, ‘n beampte van rampbestuur, gesê.
- SAPA