Trein ry vyf olifante in Indië dood

2012-12-30 15:01

Bhubaneshwar – Vyf olifante is dood nadat ‘n passasierstrein in ‘n groep olifante vas geploeg het wat oor die spoorlyn in die ooste van Indië gestap het.

Volgens R.N. Mohapatra, ‘n woordvoerder van die spoorweg, het die trein die diere vroeg Sondagoggend in die Rambha-gebied, sowat 180 km suid van Bhubaneshwar, getref.

J.D. Sharma, die hoof-natuurbewaarder van die staat se departement van wildlewe, het beamptes van die spoorweg daarvan beskuldig dat hulle sy departement se waarskuwings geïgnoreer het dat treine stadiger moet ry weens die olifante wat in die gebied rond beweeg.

Mohapatra sê die waarskuwing het te laat gekom.

– Volg Nuus24 op Twitter

- Sapa - AP