Tot 40 kinders sterf toe plesierboot sink
2011-07-11 22:10
Moskou – Russiese reddingsdienste sê die lyke van sowat
40 kinders was vasgekeer in die speelkamer van die plesierboot wat in die Volga-rivier
gesink het.
'n Honderd mense is dood nadat die toerskip,
die Bulgaria, met meer as 170 mense aan boord in Rusland se Volga-rivier gesink
het.
Slegs 89 mense het die tragedie oorleef.
Rusland se minister van noodgevalle het aan
president Dmitry Medvedev gesê dat daar 208 mense aan boord die skip was.
Die skip, wat 56 jaar oud is, mag nie meer as
140 passasiers aan boord neem nie.
Verder het dit ook aan die lig gekom dat die
Bulgaria sedert 1980 geen opknappingswerk ondergaan het nie en dat daar slegs
twee in plaas van vier reddingsbote op die skip was.
Volg Nuus24 op Twitter.
- Sapa - AFP