Tot 15 dood in stamgebied-botsings
2011-09-18 17:00
Peshawar – Dosyne Taliban-lede wat met vuurpyllanseerders gewapen was, het ‘n polisie-kontrolepunt Sondag in Pakistan se stamgebied bestorm, wat tot botsings waarin 10 militantes en vyf anti-militante vegters dood is, gelei het.
Die geweld het ongeveer ‘n uur geduur in die dorp Bara in die wettelose Khyber-stamgebied naby die grens met Afganistan, het plaaslike beamptes gesê.
Meer as 50 Taliban-militantes met gesofistikeerde wapens het die kontrolepunt bestorm, waar anti-Taliban vegters byderhand was om die polisie by te staan, het Sayed Ahmad Jan, ‘n plaaslike beampte, aan AFP gesê.
‘n Polisiebeampte en vier anti-Taliban vegters is in die botsings dood. Die geweld het ná ‘n uur kalmeer nadat troepe gearriveer het, waarna die militantes moes vlug.
“Troepe het na die punt gejaag en 10 Taliban-militantes doodgeskiet,” het Ahmad gesê. “Die situasie is nou onder beheer.”
Meer as 4 600 mense oor Pakistan heen het al gesterf in aanvalle wat aan die Taliban en ander Islamitiese ekstremis-groepe wat in die stamgebiede gebaseer is, toegeskyf word.
- Volg Nuus24 op Twitter
- Sapa - AFP