Tornado gooi hyskraan, operateur in see

2012-11-28 15:14

Rome – Altesaam 20 werkers is beseer toe ‘n sterk tornado Woensdag ‘n reusestaalaanleg in die suide van Italië getref het terwyl die groep aan 'n nywerheidsaksie deelgeneem het.

Een werker word nog vermis. Die voorval het in die kusstad Taranto plaasgevind.

Die vermiste werker het met ‘n hyskraan gewerk wat die see in gewaai is.

“Duikers soek tans na hom,” het Lino Ursi, ‘n woordvoerder vir die burgemeester van Taranto, gesê.

Fabiano Amati, ‘n nooddienswerker, het gesê dat die storm ook ‘n nabye skool getref het en ses kinders beseer het.

– Volg Nuus24 op Twitter
 

- Sapa - AFP