Tornado eis 3 lewens in Alabama
2011-04-16 13:22
Birmingham, Alabama - 'n Amptenaar van Alabama het bevestig dat drie volwassenes dood is toe 'n tornado 'n huis in sentraal-Alabama getref het.
Joe Sedinger, adjunk-polisiehoof van die Autauga-streek, het aan die nuusagentskap AP gesê dat die drie laat Vrydag in die Boone's Chapel-gemeenskap, sowat 39 km noord van Montgomery, omgekom het.
Tesame met een ander sterfte in Alabama en ander sterftes in Arkansas en Oklahoma, kom die dodetal van die VSA se dodelikste storm van die seisoen nou amptelik op 13 te staan.
Die storm het laat Donderdag in Oklahoma begin, en later na Arkansas beweeg. Teen laat Vrydag is tornado's ook in Mississippi opgemerk.
- Volg Nuus24 op Twitter.
- Sapa - AP