Toeris per ongeluk met motor by ski-roete af
2010-01-04 18:23
Volgens nuusberigte het ’n Duitse toeris in Noorweë só verdwaal op pad na sy gehuurde berghut dat hy uiteindelik by ’n nabygeleë ski-roete afgery het.
Die toeris het blykbaar ‘n afdraai gemis en by die laer gedeelte van ’n afdraende roete vir ’n langafstandwedloop afgery, waarna die kar tot stilstand gekom het.
Die insident het op die berg Ornefjell in Aseral plaasgevind, wat sowat drie ure van Stavanger in die weste van Noorweë geleë is.
“Ons het Saterdagaand in ons hut gesit en televisie kyk toe ons ’n harde geluid uit die ski-roete se rigting hoor,” het Ronny Blix aan die plaaslike koerant Fevennen vertel.
“Toe ons buite kyk, het ons gesien ’n kar is op die ski-roete.”
Die kar is uit die sneeu bevry deur ’n voertuig wat gewoonlik gebruik word om die ski-roetes vir skiërs voor te berei.
Niemand is in die voorval beseer nie.
Oddmund Ljosland, hoof van die Aseral munisipale raad, het die gestrande toeris gehelp en ook gesê die bestuurder sou “heel waarskynlik vir baie lank nog aan die insident herinner word.”
–Sapa