Times Square ontruim oor bom
2010-05-02 08:08
New York – Duisende toeriste en inwoners moes Saterdag Times Square ontruim nadat die polisie vermoedelik 'n motorbom in die besige deel van New York gevind het.
Volgens amptenare
word dit nie beskou as ‘n terrorisme-bedreiging nie en New York se stadspolisie
het glo vir federale amptenare gevra om terug te staan.
The New
York Times het ‘n plofstofkenner aangehaal wat sê dit was ‘n geïmproviseerde
toestel wat propaansilinders en poeier gebruik het, maar iets het skeefgeloop
met die lont.
Kevin Barry, ‘n
voormalige superadviseur vir die New York-polisie se bom-eenheid, het
gespekuleer dat as die toestel reg gewerk het, dit meer van ‘n brandbom as ‘n
ontploffing sou wees, het die Times berig.
Die ploftoestel
is rondom 18:30 Saterdagaand deur ‘n berede polisiebeampte ontdek wat gesien het hoe trek rook uit 'n boks agter in ‘n Nissan Pathfinder, het
amptenare gesê.
Die voertuig was
in 45ste Straat geparkeer. Die blok tussen Sewende- en Agtstelaan is as
voorsorgmaatreël gesluit.
Verskeie
residensiële en kommersiële geboue moes ontruim word en mense het uit die
strate uit gevlug.
- Sapa