Timboektoe: Meerderheid van manuskripte onbeskadig

2013-01-30 17:01

Dakar – Die meerderheid van Timboektoe se antieke manuskripte is onaangeraak ná die stad die afgelope 10 maande deur Islamitiese rebelle oorgeneem is wat van die dokumente verbrand het, het kenners Woensdag gesê.

“Ek kan sê dit blyk uit ons verslae dat die meerderheid van die versamelings nie beskadig of vernietig is nie, het prof. Shamil Jeppie, van die Universiteit van Kaapstad, aan Reuters gesê.

Hy is ‘n kenner in die stad se manuskripte.

‘n Bron van Mali, wat direk betrokke is in die bewaring van die manuskripte, het aan Reuters gesê 95% van die dokumente, wat na beraming net oor die 300 000 is, is onaangeraak en veilig.

Dit volg nadat Islamitiese vegters wat uit Mali se woestynstad Timboektoe gevlug het, Maandag ‘n biblioteek wat deur Suid-Afrika befonds en opgerig is aan die brand gesteek het.

– Volg Nuus24 op Twitter

 

- Reuters