Tienerseun slaan ouers met hamer dood
2011-07-21 22:58
Westpalm Beach – ‘n Tiener van Florida word daarvan beskuldig
dat hy sy ouers met ‘n hamer doodgeslaan het, ‘n paar uur voor sy vriende vir ‘n
huispartytjie opgedaag het.
Terwyl hy en sowat sestig vriende Saterdagaand besig was om
'n partytjie by sy huis in Port St. Lucie te hou, het die 17-jarige seun se ouers dood in die hoofslaapkamer
van die dubbelverdieping-woning gelê.
Vóór hy die dubbele moord gepleeg het, het hy sy beste vriend van sy planne om sy
ouers te vermoor vertel.
Sy vriend het hom egter nie ernstig
opgeneem nie, aangesien hy blykbaar al baie vantevore gesê het hy wil dit doen.
Selfs ure later, toe sy vriend
by die partytjie die misdaad in detail beskryf, was hy skepties.
Slegs toe sy vriend hom na sy ouers se
slaapkamer lei en hy hul bebloede liggame op die vloer sien lê, het hy besef dat
sy vriend dié keer ernstig was.
Die vriend, wie se identiteit nie bekend is
nie, het die polisie in kennis gestel en 'n verklaring afgelê.
Hulle het die lyke van Blake en Mary-Jo Hadley
in hul slaapkamer gevind.
Hul seun is vir die moord in hegtenis geneem.
Die publieke aanklaer het ‘n pleit van onskuld
namens die tiener ingedien.
Volg Nuus24 op Twitter.
- Sapa - AP