Tiener vind pa se lyk in huis met 60 000 bye
2011-11-07 18:20
Miami – ‘n Man se lyk is deur sy tienerdogter in die boonste kamer van ‘n huis in Miami, waarin sowat 60 000 bye was, gevind, het die Mail Online Maandag berig.
Die polisie is nie seker die Donald Mason (49) van ‘n leer afgeval het of dood is as gevolg van bysteke nie.
Volgens sy dogter was hy besig om die huis, wat al sedert 1924 in die familie is, op te knap sodat sy kon intrek.
Toe sy hom nie in die hande kon kry nie het sy na die huis gegaan waar sy op haar pa se lyk afgekom het.
“Ons is nie seker of hy geval het, ‘n mediese voorval gehad het en of dit bysteke was nie,” het lt. Ignatius Carroll van die Miami-brandweerdienste aan Local 10.com gesê.
– Lees meer by die Mail Online
– Volg Nuus24 op Twitter