Tiener vermoor vriend, verbrand lyk

2011-10-28 10:04

Murrieta – ‘n Jurie in die Riverside-streek van die Amerikaanse staat Kalifornië het ‘n tiener skuldig bevind vir die moord op sy vriend.

Jose Campos (19) is Donderdag daaraan skuldig bevind dat hy Adrian Rios (17) doodgeskiet het. Hy het daarna die lyk opgekap en in sy agterplaas aan die brand gesteek.

Dit het die jurie minder as ‘n dag geneem om Campos skuldig te bevind.

Rios is op 15 November 2009 vermoor toe hy na Campos se huis gegaan het om ‘n voetbal-wedstryd te kyk.

Aanklaers sê Campos het tydens ‘n argument Rios in die gesig met ‘n geweer geskiet. Hulle het ook aangevoer dat die lyk opgekap en in ‘n put verbrand is.

Campos se vonnis sal op 16 Desember aangehoor word.

Volg Nuus24 op Twitter

- Sapa - AP