Tiener se selfmoordbom dood 45
2009-10-13 09:53
Pakistan, Pesha War – Die dodetal van ‘n selfmoordbomaanval wat deur ‘n tienerseun in ‘n besige mark in noord-wes Pakistan uitgevoer is, het tot 45 gestyg.
Die bomgooier, wat ‘n onderbaadjie vol plofstof gedra het, het homself Maandag voor ‘n millitêre konvooi gegooi, soos dit deur ‘n basaar in die Shangla distrik beweeg het. Hierdie is die vierde dodelike aanval in agt dae, wat op die Taliban rebelgroep geblammeer word.
“Twee mense is oornag dood, en nog twee het vanoggend gesterf,” het dr. Ehsanullah Khan van die Alpuri-hospitaal gesê.
Volgens Khan word agt-en-dertig mense steeds in die hospitaal behandel vir beserings wat hulle in die ontploffing opgedoen het.
Fazle Karim Khattak, administrasiehoof van die Malakandstreek, sê van die 45 mense wat gesterf het was 39 burgers en ses soldate.
“Die aanvaller was ‘n jong seun wat langs die pad gestaan het. Toe die konvooi opdaag, het hy na die voertuie gehaas en homself opgeblaas,” het Khattak vertel.
‘n Millitêre beampte het gesê die bomgooier was tussen die ouderdom van 13 en 14.
- Sapa-AFP