Tiener oorleef 61 uur onder puin
2011-10-26 12:10
Erics – Turkse reddingswerkers het ‘n universiteitstudent 61 uur ná ‘n verwoestende aardbewing uit die puin van ‘n woonstelblok bevry.
Die reddingswerkers het Eyup Erdem (18) in die stad Ercis bevry nadat ‘n aardbewing die ooste van Turkye geskud het. Sondag se skudding het 7.2 gemeet.
Daar word berig dat die reddingswerkers klein kameras aan stokke vasgemaak het om Erdem onder die puin op te spoor. Hulle het hande geklap toe die student vanuit die hoë gebou se puin verskyn het.
Die nuusagentskap Anatolia sê Erdem is beseer en word in ‘n hospitaal behandel.
Volgens Seraceddin Com, ‘n gesondheidsbeampte, is sowat 40 mense Dinsdag gered.
Daar word berig dat die ramp minstens 459 mense se lewens geëis het.
Volg Nuus24 op Twitter
- Sapa - AP