Tien sterf toe hulle begrafnis reël

2011-11-15 10:30

Beijing – Tien mense is dood en 12 ander het beserings opgedoen nadat ‘n huis tydens ‘n begrafnisbyeenkoms in China ineengestort het, het die nuusagentskap Xinhua berig.

Altesaam agt mense is op slag dood en nóg twee het later in die hospitaal aan hul beserings beswyk, het beamptes aan Xinhua gesê.

Die voorval het Maandagaand in Hunan gebeur toe inwoners voorbereidings getref het vir die huiseienaar se oom se begrafnis, het die nuusagentskap berig.

Daar word berig dat die 12 beseerdes in ‘n stabiele toestand is.

Die oorsaak die ongeluk is nog nie bekend nie.

Volg Nuus24 op Twitter

- Sapa - AFP