Tien sterf in Nepal-busongeluk

2012-09-09 08:05

Katmandoe – Minstens 10 mense is dood en 25 ander is beseer toe 'n bus op 'n bergpad in die weste van Nepal gegly en sowat 100 m ver in 'n kloof geval het, het die polisie Sondag gesê.

'n Polisiebeampte, Bhpendra Khanal, het gesê die bus was op pad na die hoofstad, Katmandoe, toe dit Sondagoggend 'n steil bergpad naby die Hardi-nedersetting verlaat het.

Die 25 beseerdes is na verskeie hospitale geneem vir behandeling en die polisie ondersoek tans die oorsaak van die ongeluk.

Padongelukke in Nepal kom algemeen voor en word hoofsaaklik op swak paaie en onpadwaardige voertuie blameer.

Volg Nuus24 op Twitter.

- SAPA