Tien soldate dood in aanvalle
2010-02-08 19:14
Sanaa – Tien Jemense soldate is vermoor, en agttien beseer in ‘n nuwe uitbreek van aanvalle met Sjiïte-rebelle in die noorde van Jemen, het ‘n militêre beampte Maandag gesê.
Die nuutste aanvalle kom slegs dae nadat die regering ‘n rooster aangekondig het vir ‘n skietstilstand. Die rebelle moet egter nog hierop reageer.
Volgens die beampte, wat anoniem wil bly, is die meeste soldate deur skerpskutters doodgeskiet.
Jemen se regering het Saterdag ‘n rooster aangekondig om tot ‘n skietstilstand te kom, nadat rebelle ses voorwaardes aanvaar het, wat ‘n einde aan die aanvalle sou bring.
Sanaa wil hê dat rebelle amptelike geboue moet ontruim en millitêre bakens in die berge verlaat sodat paaie weer oopgemaak kan word en militêre en burgerlike gevangenisse bevry kan word.
Sporadiese aanvalle tussen die rebelle en die regering kom sedert 2004 voor.
Ongeveer 25 000 mense is glo reeds verskuif weens die aanvalle.
- Sapa-AFP