Thaise vloede: Sterftesyfer nou 600+

2011-11-21 09:03

‘n Jong meisie help vrywilligers om vloedwater in Bangkok, Thailand, weg te vee. (Altaf Qadri, AP)

Bangkok – Die dodetal van Thailand se ergste oorstromings in meer as ‘n halwe eeu het 600 verbygesteek.

Die vloede wat deur swaar moesonreën en ‘n reeks tropiese storms veroorsaak is, het in Julie begin.

Die vloedwaters het verskeie dorpe oorstroom en suidwaarts deur die land se sentrale hartland na die hoofstad, Bangkok, en die Golf van Thailand beweeg.

Meer as tweederdes van die land se 77 provinsies het tydens die vier maande lange krisis oorstroom.

Volgens die land se regering het die sterftesyfer 602 bereik. Die meerderheid slagoffers het verdrink.

Daar word berig dat die situasie die afgelope paar dae drasties verbeter het. Inwoners van talle gebiede het ook begin skoonmaak.

Die regering sê 17 provinsies is nog onder water.

Volg Nuus24 op Twitter

- Sapa - AP