Honderde kobras op vragmotor

2012-11-14 12:02

Bangkok – Doeanebeamptes in Thailand het op honderde kobras beslag gelê wat na die land gesmokkel is vir gebruik as tradisionele medisyne.

Dele van die slange word glo as seksuele opkikker gebruik.

Sowat 600 kobras is in kratte op ‘n vragmotor ontdek toe dit by ‘n beheerpunt stilgehou het.

“Hulle was in blou sakke; hulle kon deur die sakke asem haal. Daar was sowat vyf kobras in elke sak,” het ‘n doeanebeampte gesê.

Die beampte skat dat daar sowat 600 slange op die vragmotor was, maar het bygevoeg dat ‘n amptelike getal eers later gegee sal word omdat dit te gevaarlik is om die slange met te min personeel te tel.

Die kobras is sowat $16 300 (sowat R142 000) werd.

Twee mans is in hegtenis geneem en kan tronkstraf van tot 10 jaar opgelê word.

Die kobras is intussen na ‘n nasionale park in Thailand gestuur.

– Volg Nuus24 op Twitter

- Sapa - AFP