Texas: Vrou wou baba aanneem ná miskraam
2012-04-19 09:02
Spring, Texas – ‘n Vrou van Texas wat aangekla word van die moord op ‘n jong ma en die ontvoering van haar drie dae oue baba het ‘n miskraam gehad en het beplan om die baba as haar eie “aan te neem,” het amptenare Woensdag gesê.
Verna McClain (30) is aangekla van moord nadat sy erken het sy het die vrou vermoor en klein Keegan Golden buite ‘n pediatrie-sentrum in Houston ontvoer.
Keegan is ure later by McClain se suster gevind.
Die Montgomery-polisiekantoor het Woensdag gesê McClain – wat vervreem is van haar man saam met wie sy drie kinders grootgemaak het – het aan haar verloofde gesê sy was swanger en dat sy geboorte geskenk het aan sy kind, maar sy het ‘n miskraam gehad, het kapt. Bruce Zenor gesê.
McClain se suster, Corina Jackson, het aan amptenare gesê sy het genoem dat sy die “aanneming moet doen” kort nadat sy Keegan geneem het.
Haar verloofde, wat nie Woensdag geïdentifiseer is nie, word deur amptenare ondervra.
Amptenare sê hulle dink nie enigiemand anders was betrokke in die skietery en ontvoering nie.
Polisiebeamptes sê die ma was Dinsdag naby haar motor nadat sy haar drie dae oue seun na die sentrum geneem het, en het 'n onderonsie met 'n vrou in 'n Lexus gehad.
Lt. Dan Norris het gesê die vrou is verskeie kere deur die vrou in die Lexus geskiet. Die vrou, wat nou as McClain geïdentifiseer is, het toe die kind gevat en in haar Lexus weggejaag.
Volgens ooggetuies is daar sewe skote afgevuur. 'n Man was volgens hulle ook in die Lexus.
Ondersoekbeamptes sê McClain se verklarings bevat inligting wat slegs die skieter sou weet en dui daarop dat sy die ma Dinsdag aangeval het as deel van ‘n groter plan om enige kind te ontvoer. Golden was bloot ‘n maklike teiken.
Sy word tans aangehou.
Die baba is terugbesorg aan familielede, het Keith Schuchardt, wat vir drie jaar met Kala Golden getroud was, gesê.
– Volg Nuus24 op Twitter
- Sapa - AP
