Temmer beseer toe olifant val
2010-01-30 22:23
Madrid – ‘n Belgiese sirkus-temmer is in ‘n kritieke toestand in ‘n hospitaal in Spanje nadat ‘n olifant haar been gedurende ‘n vertoning ernstig beseer het, het polisie en berigte Saterdag gesê.
Die vyf-ton olifant het gegly, geval en sy kop op die grond gestamp voordat sy tand die vrou se regterbeen vasgedruk het.
Die 40-jarige vrou, wie se man ook ‘n olifant-temmer by die Gran Circo Mundial is, is na ‘n hospitaal in Madrid geneem, maar haar lewe is nie in gevaar nie.
Die gehoor, wat meestal uit kinders bestaan het, was nie bewus dat die temmer beseer is nie en die vertoning het soos normaal voortgegaan.
- Sapa-AFP