'Te vroeg vir bespiegelings oor Moembaai'

2011-07-14 09:06

Moembaai – Indië se minister van binnelandse sake sê dis te vroeg vir bespiegelings oor wie verantwoordelik is vir ‘n reeks bomontploffings wat Moembaai geruk het.

“Alle groepe wat sulke aanvalle kan uitvoer is verdagtes,” het Palaniappan Chidambaram Donderdag op ‘n mediakonferensie in die stad gesê.

Hy sê die departement kan nie in die stadium na ‘n spesifieke groep “vingerwys” nie.

Altesaam 17 mense is dood en 133 ander is beseer in die ontploffings wat Woensdag op drie plekke in Moembaai plaasgevind het, het die polisie gesê.

Die drie ontploffings in besige dele van die stad is die dodelikste aanval op Indië sedert die Moembaai-aanvalle in 2008 waarin 166 mense dood is. Militante gewapende mans was verantwoordelik vir dié aanval.

Volg Nuus24 op Twitter.

- Sapa - AFP