Taxibestuurder besteel dronk toeriste
2010-10-14 14:09
Hong Kong – ‘n Taxibestuurder wat misbruik gemaak het van dronk buitelanders wat agter in sy taxi aan die slaap geraak het, is tronk toe gestuur.
Cahn Kin-ming (45) het sy kliënte besteel toe hulle aan die slaap geraak het ná ‘n aand van kuier in die stad se Wan Chai-area.
Hy het 45 luukse horlosies, kredietkaarte, ‘n iPod en kontant van omtrent 10 dronk kliënte gesteel.
‘n Buitelander wat van Kanada afkomstig is, was twee keer in agt maande ‘n slagoffer van dié opportunistiese taxibestuurder.
Chan is in hegtenis geneem toe hy ‘n gesteelde kredietkaart by ‘n supermark probeer gebruik het.
Hy het skuldig gepleit en is tot 32 maande tronkstraf gevonnis.
Die regter het Chan uitgeskel omdat hy “misbruik gemaak het van dronk toeriste”.
Volg Nuus24 op Twitter.