Talle steeds vermis ná Missouri-tornado
2011-05-27 09:53
Joplin – Amptenare sê 232 mense word steeds vermis nadat ‘n tornado Sondag deur Joplin, Missouri, gevee het.
Beamptes het ook bekend gemaak dat slegs een uit die 125 lyke wat gevind is, is tot dusver geïdentifiseer.
Sekere van die vermiste persone ná die ramp is moontlik deel van die ongeïdentifiseerde oorskot wat in ‘n massa-lykshuis gestoor word.
Beamptes het angstige familielede gemaan om geduldig te wees terwyl DNS-toetse en vingerafdrukke geneem word sodat die lyke geïdentifiseer kan word.
Andrea Spiller, Missouri se adjunk-direkteur van openbare veiligheid, het aan verslaggewers gesê ‘n mens kan nie aanneem dat die 232 vermiste persone almal dood is nie.
Spiller sê daar is ‘n moontlikheid dat mense nog onder puin vasgekeer kan wees.
Familielede word op die oomblik nie in die lykshuis toegelaat om hul geliefdes visueel te identifiseer nie. Spiller sê dié metode is nie “100% akkuraat” nie.
Volg Nuus24 op Twitter.
- Sapa - AFP