Talle in VSA nog sonder krag ná sneeustorm

2013-02-11 16:57

Boston – Meer as 220 000 huise en ondernemings is steeds sonder elektrisiteit nadat 'n sneeustorm die noordooste van die Verenigde State getref het.

Die storm het Vrydagaand begin en het meer as 650 000 huise en ondernemings in agt state geraak.

Massachusetts het die ergste deurgeloop, met meer as 180 000 mense wat teen Sondagaand nog sonder krag gesit het.

Sowat 34 000 mense sit sonder krag in Rhode Island en meer as 4 700 mense is sonder krag in Connecticut.

Winde het Vrydagmiddag 'n spoed van 56 tot 64 km/h bereik.

Die goewerneurs van Massachusetts, Rhode Island, Connecticut, New York en Maine het vroeër noodtoestande verklaar.

– Volg Nuus24 op Twitter
 

- Sapa - AP