Taliban wys video van vermiste Kanadees
2011-05-09 10:51
Kaboel – Afganistan se Taliban het ‘n video vrygestel van ‘n vermiste Kanadese en dreig om hom te verhoor op aanklag van spioenasie as Kanada nie aan sekere vereistes voldoen nie.
Volgens Zabiullah Mujahid, woordvoerder vir die Taliban, is die vereistes nie uiteengesit nie.
Hy sê die Kanadese regering is bewus van wat die Taliban wil hê.
Mujahid sê die video wat uitgereik is, is ‘n bewys dat die Taliban die Kanadese man in aanhouding geneem het.
Lisa Monette, woordvoerder vir die Kanadese departement van buitelandse sake, het Sondag gesê die departement is bewus van die video.
Volgens haar is Kanadese beamptes besig om met Afgaanse owerhede te onderhandel om te verseker dat die man veilig vrygelaat word.
Volg Nuus24 op Twitter.
- Sapa - AP