Taliban waarsku stemmers
2009-08-16 14:31
Kandahar, Afganistan - Die terroristegroep, Taliban, het Sondag vir die eerste keer openlik gedreig om stemlokale in Afganistan aan te val.
Dit kom ná Saterdag se ‘n bomaanval op die Noord-Atlantiese Verdragsorganisasie (Navo) se militêre hoofkwartiere in die hartjie van Kabul. Afganistan se 17 miljoen geregistreerde stemmers sal Donderdag stem.
Die Taliban se dreigement is op pamflette uitgedruk, wat in dorpe in die suide van die land uitgegee is.
Die pamflette sê die Taliban sal bloeddorstige veldtogte loods op die aand van die verkiesings en dat lede van die publiek nie aan die verkiesings moet deelneem nie.
"Hierdie dien as waarskuwing vir inwoners om nie te stem nie of slagoffer tot ons beweging te val ”, het die pamflet gelees.
Die woordvoerder van die Taliban, Qari Yousuf Ahmadi het bevestig dat die pamflette deur dié groep uitgegee is en dat die Taliban mense beveel om die verkiesings teen te staan.
"Ons gebruik nuwe strategieë om die stemlokale te teiken en ons sal ons aanvalle die dag voor en die dag van die verkiesings vermeerder”, het hy gesê.
- Sapa