Taliban sweer wraakaanvalle op VSA
2010-05-03 05:45
Islamabad, Pakistan – Die Pakistanse Taliban-leier, Hakimullah Mahsud, het maande nadat daar berig is dat hy dood is, in ‘n video wat in April gemaak is verskyn waarin hy wraakaanvalle teen Amerika sweer, het ‘n Amerikaanse moniteringsgroep Maandag gesê.
Mehsud het gedreig dat hulle binne ‘n maand teen Amerika gaan wraak neem vir die moord op Islamitiese militante leiers, volgens ‘n uittreksel van die video wat glo op 4 April gemaak is. Daar is oorspronklik berig dat hy in Januarie dood is.
“Die tyd is naby vir ons om die groot Amerikaanse stede aan te val,” het Mehsud gesê.
Hy kan op die video gesien word, met twee gewapende gemaskerde mans weerskante van hom.
- Sapa-AFP