Taliban soek Moembaai-skieter se lyk

2012-11-22 15:48

Peshawar – Die Taliban dreig met wraakaanvalle indien Indië nie die lyk van die Pakistani man, wat tereggestel is vir sy aandeel in die 2008 Moembaai terreur-aanvalle, terugstuur nie.

Ahsanullah Ahsan, woordvoerder vir Pakistan se Taliban, het Donderdag aan AP gesê die lyk van Mohammed Ajmal Kasab moet aan sy familie of aan die Taliban oorhandig word.

Die 25-jarige Kasab is Woensdag by ‘n tronk in die weste van Indië gehang vir sy rol in die terreur-aanvalle in 2008 wat 166 lewens geëis het.

Indië het glo Kasab se lyk begrawe by die tronk waar hy tereggestel is.

– Volg Nuus24 op Twitter
 

- Sapa - AP