Taliban gebruik vroulike selfmoordbomaanvaller
2011-06-26 11:01
Pakistan – Die Taliban in Pakistan het gesê hulle het vir die eerste keer gebruik gemaak van ‘n vroulike selfmoordbomaanvaller in ‘n aanval op ‘n polisiestasie in die noordweste van Pakistan waarin 10 mense dood is.
Die vrou was een van twee aanvallers wat Saterdag granate en plofstof by die polisiestasie in Dera Ismail Khan gegooi het voordat hulle hulself opgeblaas het.
Ahsanullah Ahsan, woordvoerder van die Taliban in Pakistan, het Sondag aan die Associated Press gesê dat die aanvallers ‘n vrou en haar man was.
Hy het gesê dat die feit dat hulle ‘n vroulike selfmoordbomaanvaller gebruik het, ‘n aanduiding is van hoe baie hulle Pakistan se sekuriteitsmagte verafsku.
Daar was al vorige berigte van vroulike selfmoordbomaanvallers in Pakistan, maar hierdie was die eerste keer wat die Pakistanse Taliban dit bevestig het.
– Volg Nuus24 op Twitter
- Sapa - AP