Switserland: Drie dood ná skieter losbrand

2013-01-03 12:42

Genève – ‘n Gewapende man het drie mense doodgeskiet en twee ander gewond toe hy Woensdag in Daillon, Switserland losgebrand het.

Die polisie het die man in hegtenis geneem ná hulle hom gewond het tydens die skietery.

“Drie slagoffers is op die toneel dood. Twee ander is gewond en is gehospitaliseer,” het die polisie in ‘n verklaring gesê.

Hulle het nie die skieter geïdentifiseer nie, maar het bygevoeg dat hy tans behandeling in die hospitaal ontvang.

Geen polisiebeamptes is tydens die voorval beseer nie. Die motief is nog nie bekend nie.

– Volg Nuus24 op Twitter