Swanger vrou in hof doodgesteek
2009-08-25 15:45
Dresden, Duitsland – Duitse aanklaers het ‘n saak van moord oopgemaak teen ‘n man wat ‘n swanger Egiptiese vrou in die hof doodgesteek het.
Hierdie moord het groot opspraak en woede in die Moslem gemeenskap veroorsaak.
Aanklaers het Dinsdag gesê dat die 28-jarige man op 1 Julie opgetree het uit sy haat vir nie-Europeërs en Moslems.
Die Russies gebore Duitser is slegs bekend as Alex W.
Hy word verder ook aangekla vir poging tot moord nadat hy die vrou se man gesteek het.
Marwa al-Sherbini, die 31-jarige apteker, is 18 keer in die hof gesteek waar sy teen die verdagte sou getuienis lewer.
Sy het in 2008 ‘n klag teen hom oopgemaak en hom beskuldig van rassistiese beledigings.
Haar man is beseer toe hy haar probeer beskerm het.
- Sapa-AP