Swanger vrou deur luiperd aangeval
2012-01-27 21:08
Indië – 'n Swanger vrou en 'n 20-jarige man is deur 'n luiperd aangeval nadat die dier in een van Indië se woonbuurte in die staat Assam rondgedwaal het.
Dit is die derde soortgelyke aanval die afgelope paar weke.
Die vrou se man, Abid Ali, het aan die nuusagentskap AFP gesê sy vrou het kopbeserings opgedoen, haar bewussyn asook baie bloed verloor.
Die ander slagoffer, Moziz Haq, het ook kopbeserings opgedoen.
Die luiperd is later onder verdowing geplaas voordat dit na die stad se dieretuin geneem is.
– Volg Nuus24 op Twitter.
- AFP