Studente soek nie gays by matriekafskeid
2013-02-12 15:51
VSA – ‘n Groep studente, ouers en minstens een onderwyser by die Sullivan Hoërskool in Sullivan, Indiana, het saamgespan om te vra vir ‘n “tradisionele” matriekafskeid wat sal verhoed dat lesbiese, gay, biseksuele en transgender studente dit bywoon.
Die groep het Sondag by die dorp se First Christian Church vergader om die moontlikheid van ‘n aparte dans te bespreek, het Time berig.
“Ons glo wat die Bybel sê, dit sê dit is verkeerd,” het Bonnie McCammon, ‘n leerder van die skool, aan ‘n plaaslike filiaal van NBC gesê.
“Ons is lief vir die homoseksuele mense, maar ons keur nie dit wat hulle doen goed nie.”
Volgens NBC 2 is een van die groeplede die skool se spesiale onderwys-onderwyser, Diana Medley, wat aan die NBC-kanaal gesê het: “Ek dink nie [homoseksualiteit] is ‘n keuse nie. Ek glo nie hulle is so gebore nie. Ek dink lewensomstandighede het hulle so gemaak.”
Die studente en ouers het ‘n Facebook-groep, genaamd 2013 Sullivan Traditional Prom, gestig ter ondersteuning van hul saak.
Die blad is intussen verwyder.
– Lees meer hier.
– Volg Nuus24 op Twitter
