Strauss-Kahn se vrou is gewildste
2011-12-21 10:04
Parys.– Anne Sinclair, vrou van die skandemaker en gewese hoof van die Internasionale Monetêre Fonds (IMF) Dominique Strauss-Kahn, is aangewys as Frankryk se gewildste vrou.
Sy het net-net gewen teen die IMF se nuwe hoof, Christine Lagarde, maar ver voor die presidentsvrou, Carla Bruni, geëindig in die meningspeiling waarvan die resultate hier bekend gemaak is.
Sinclair is ’n skatryk erfgenaam van kunsskatte en was in die 1980’s ’n TV-joernalis.
Haar lewe is op sy kop gekeer toe haar man op 14 Mei in New York in hegtenis geneem is, omdat hy na bewering ’n hotel se kamermeisie verkrag het. Hy is later vrygespreek.
In die opname om die vrou van die jaar te bepaal, het sy 25% van die stemme gekry.
Bruni het 16% van die steun ontvang.
Volg Nuus24 op Twitter.
- Volksblad