Strauss-Kahn hoor gou oor prostitusie-aanklagte

2012-12-19 11:18

Parys – 'n Hof in Frankryk gaan besluit of hy aanklagte teen Dominique Strauss-Kahn, wat verband hou met 'n onwettige prostitusie-kartel, gaan laat vaar.

Die prokureurs van die voormalige hoof van die Internasionale Monitêre Fonds het aangevoer dat regters in die saak bevooroordeeld is.

Die saak hou verband met 'n luukse prostitusie-kartel in noordelike Frankryk.

'n Hof in die Franse stad van Douai sal na verwagting Woensdag besluit of die voorlopige aanklagte teen Dominique Strauss-Kahn laat vaar sal word.

Strauss-Kahn is vroeër vanjaar aangekla oor sy beweerde betrokkenheid by die prostitusie-kartel.

Sy naam is genoem terwyl die polisie twee mans, wat glo noue bande met hom gehad het, in Frankryk ondersoek het op aanklagte dat hulle 'n prostitusienetwerk georganiseer het asook vir die wanbesteding van korporatiewe fondse.

Hy is vroeër ondervra oor bewerings dat hy in Parys en Washington aan orgies deelgeneem het wat deur twee sakemanne betaal was.

Strauss-Kahn het erken hy het aan sommige van die partytjies deelgeneem, maar sy prokureur het ontken dat hy geweet het dat die prostitute betaal is.

Hy en 'n hotelwerker het verlede week in New York 'n skikkingsooreenkoms bereik nadat sy hom daarvan beskuldig het dat hy haar wou verkrag.

– Volg Nuus24 op Twitter

- Sapa - AP