Sterwende man knip oë om moordenaar uit te ken
2011-09-23 17:56
Cincinnati – ‘n Regter in Cincinnati, Amerika het beslis videomateriaal van ‘n sterwende man wat deur sy oë te knip sy moordenaar uitken, kan as bewyse in 'n beskuldigde se verhoor gebruik word.
Die regter het Donderdag in die Hamilton-distrikshof beslis die 33 jurielede sal toegelaat word om ‘n video-onderhoud met David Chandler, waarin hy reageer op polisielede se vrae, in Ricardo Woods se moordverhoor in ag te neem.
Aanklaers het gesê Chandler het Woods deur met sy oë op die polisie se vrae te reageer, uitgeken. Woods se advokaat het egter geargumenteer die oogknippe is nie voldoende om sy kliënt as moordenaar uit te wys nie.
Die polisie het Chandler ondervra terwyl hy met behulp van ‘n asemhalingstoestel aan die lewe gehou is. Hy is verlam nadat hy in die kop en nek geskiet is en is twee weke later dood.
Volgens Woods se advokaat oorweeg hy dit om die regter te vra om sy beslissing te heroorweeg.
– Volg Nuus24 op Twitter.
- SAPA