Sterk skudding tref noorde van Japan

2011-10-21 13:21

Tokio – ‘n Aardbewing wat 6.2 gemeet het, het Japan se noordelike eiland, Hokkaido, getref.

Volgens die land se meteorologiese agentskap is geen beserings of skade onmiddellik aangemeld nie. Geen tsoenami-waarskuwing is uitgereik nie.

Die aardbewing het Vrydag om 17:03 (10:03 SA tyd) plaasgevind. Die agentskap sê die episentrum was in die middel van die eiland geleë.

Die noordooste van Japan is op 11 Maart deur ‘n massiewe aardbewing van 9.0 en 'n tsoenami getref. Die ramp het meer as 15 800 mense se lewens geëis.

Volg Nuus24 op Twitter

- Sapa-DPA