Staking toets nuwe Griekse premier

2011-12-01 15:03

Athene – Griekse vakbonde hou hul eerste algemene staking sedert Lucas Papademos die land se nuwe premier geword het.

Die BBC berig openbare dienste het toegemaak asook trein- en veerbootdienste. Lughawens, die Athene-metro en die stad se effektebeurs is egter steeds oop.

Vakbonde wat omtrent die helfte van Griekeland se arbeidsmag verteenwoordig het in al die groot stede bymekaar gekom om teen die regering se nuwe maatreëls te betoog.

Dié maatreëls word voorgestel aangesien die land se ekonomie in ‘n erge resessie is en deur hewige skuld geteister word. Die maatreëls sluit belastingtoenames en salarisverminderings in.

Papademos is verlede maand as Griekeland se nuwe premier aangewys.

Lees meer hier

Volg Nuus24 op Twitter