Stakende Grieke sluit hulself toe

2013-01-25 17:57

Atene – Onluste-polisie in Griekeland het Vrydag 'n klopjag op 'n treindepot in die hoofstad Athene uitgevoer, waar stakende werkers hulself toegesluit het.

RSG berig 'n nood-dekreet is Donderdag uitgevaardig waarin personeel van die stad se metro-treinstelsel gelas word om hul agt dae lange staking te beëindig.

Die regering van die eerste minister, Antonis Samaras, het sterk standpunt ingeneem oor die staking, in weerwil van kritiek van die kleinste party in sy drieparty-regering.

Ingevolge die jongste maatreëls kan werkers wat dieopdrag om terug te keer werk toe ignoreer, in hegtenis geneem word en vyf jaar tronkstraf opgelê word.

Intussen het openbare woede teen die staking, wat pendelaars in die stad raak, skerp toegeneem.

Volg Nuus24 op Twitter.

- Sapa - AP