Sri Lanka: Vloede, weerlig eis ses

2012-11-26 14:09

Kolombo – Die regering in Sri Lanka het gesê dat vloede en weerlig ses mense se lewens oor die naweek geëis het en honderde dakloos gelaat het na grondstortings.

Sarath Lal Kumara, ‘n regeringswoordvoerder, het gesê dat swaar reën vloede oor die naweek veroorsaak het. Vier mense het in die Hambantota-distrik verdrink. Twee ander mense is dood toe hulle deur weerlig getref is.

Die reën het ook grondstortings veroorsaak wat 364 mense uit hul huise gedwing het.

Vroeër die maand het ‘n tropiese storm in Sri Lanka 5 000 mense dakloos gelaat en twee mense se lewens geëis.

– Volg Nuus24 op Twitter
 

- Sapa - AP