Spanjoel val 90 m en oorleef
2010-02-24 05:22
Londen – ’n Hond wat ’n seemeeu gejaag het en sowat 90 meter ver van ’n krans afgeval het, het oorleef en slegs matige beserings opgedoen.
Paul Legendre van die Royal National Lifeboat Institution se soek-en reddingsdienste het gesê die spanjoel is op 14 Februarie gered nadat hy agter ’n voël by die Seven Sisters aan die suidelike kus van Engeland afgeval het.
Legendre het gesê die spanjoel het reguit vanaf die krans in die see geval, maar daar was gelukkig genoeg water om sy val te versag.
Die eienaars van die die hond het dadelik hulp gaan soek nadat hy agter die krans verdwyn het.
Hulle hond was gelukkig besig om te swem toe hulle oor die rand geloer het.
"Hulle het hom hoor blaf ook,” het Legendre gesê.
Hy het gesê die spanjoel het aan skok gelei en sy een long het platgeval, maar dit is al.
-Sapa-AP