Somaliese Shebab sal Franse gyselaar teregstel
2013-01-16 15:41
Nairobi – Islamiete in Somalië het Woensdag gesê hulle het besluit om die Franse intelligensie-beampte, wat hulle al vir meer as drie jaar gyselaar hou, tereg te stel.
‘n Poging om die Franse beampte te red, het Saterdag skeefgeloop.
Die Shebab, wat met Al-Kaïda verbind word, het in ‘n verklaring gesê hulle het ‘n “eenstemmige besluit geneem om die Franse intelligensie-beampte, Denis Allex,tereg te stel”.
Parys het intussen gesê die beampte is waarskynlik reeds tydens die mislukte reddingspoging deur sy ontvoerders vermoor.
‘n Senior Shebab-beampte het Woensdag aan AFP bevestig dat Allex “gevonnis is en hierdie uitspraak sal nie verander word nie. Sover dit ons aangaan moet hierdie man doodgemaak word.”
Die Shebab het geen bewys gelewer dat Allex, wat waarskynlik ‘n skuilnaam is, nog lewend is nie.
Die poging om Allex te bevry, wat sedert Julie 2009 onderweg is, was onsuksesvol en twee ander Franse soldate is dood in Saterdag se reddingspoging.
Frankryk het een van die lyke gevind. Foto’s van die tweede oorlede soldaat is op die Shebab se Twitter-rekening gelaai.
– Volg Nuus24 op Twitter
- Sapa - AFP
