Soldaat hardloop 7 dae op trapmeul
2010-01-17 00:11
Londen – ‘n Voormalige Britse soldaat het Saterdag sy pad na die rekordboeke ingehardloop toe hy die trapmeul wêreldrekord gebreek het.
Mike Buss (35) van Swindon, net buite Londen, het 832.4 km afgelê en die vorige rekord van 753km verbeter.
Dit het hom sewe dae geneem en hy het drie marathons per dag op die trapmeul in Swindon se Brunel-winkelsentrum afgelê. Hy het slegs twee ure per dag geslaap.
Buss samel geld in vir liefdadigheid om Britse soldate wat beseer is te help.
"Ek het twee toonnaels verloor, my bene is seer, my voete pyn maar ek voel fantasties,” het hy gesê.
- Sapa