Sokker-aanhangers maak amok
2009-08-24 10:31
Nieu Delhi – Een persoon is dood en ‘n vakansie-oord is aan die brand gesteek toe ondersteuners van twee sokker-klubs in gevegte betrokke geraak het ná ‘n wedstryd in Kolkata in Indië, het media Maandag berig.
Meer as 15 mense is beseer in die gevegte wat uitgebreek het nadat die verloorspan Sondag begin skiet en bomme in Rajarhat gegooi het, het NDTV netwerk berig.
Die vandale het ‘n nabye vakansieoord aan die brand gesteek nadat hulle beweer het dat sommige van die ander span se ondersteuners daar wegkruip.
“Een persoon is dood en 15 beseer in die gevegte. Die beseerdes is in die hospitaal opgeneem,” het senior polisieman S.N. Gupta gesê.
Die polisie het gesê dat 30 huisies by die oord vernietig en talle voertuie beskadig is.
Die polisie het 12 mense in hegtenis geneem en het die situasie onder beheer gekry.
- Sapa-dpa